ప్రగతి ప్రణాళికతో వార్డు అభివృద్ధి

పారిశుధ్యం, తాగునీరు, రోడ్లపై ప్రత్యేక దృష్టి

సమస్యల పరిష్కారానికి చర్యలు తీసుకుంటామని హామీ

వార్డు ప్రజల సమస్యలు తెలుసుకున్న అధికారులు

తాండూర్ 32వ వార్డులో ప్రజా పాలన – ప్రగతి ప్రణాళిక కార్యక్రమం

తాండూర్, manasa news ప్రతినిధి:తాండూర్ పట్టణంలోని 32వ వార్డులో ప్రజా పాలన – ప్రగతి ప్రణాళిక కార్యక్రమం నిర్వహించబడింది. ఈ కార్యక్రమంలో స్థానిక ప్రజాప్రతినిధులు, మున్సిపల్ అధికారులు మరియు వార్డు ప్రజలు పాల్గొన్నారు.ఈ సందర్భంగా అధికారులు మాట్లాడుతూ ప్రజల సమస్యలను తెలుసుకుని వాటికి త్వరితగతిన పరిష్కారం చూపడం ప్రభుత్వ ప్రధాన లక్ష్యమని తెలిపారు. వార్డులో పారిశుధ్యం, తాగునీరు, రోడ్లు, డ్రైనేజ్ వంటి మౌలిక సదుపాయాలపై ప్రత్యేక దృష్టి పెట్టి అభివృద్ధి పనులను వేగవంతం చేస్తామని పేర్కొన్నారు.అలాగే ప్రజలు తమ పరిసరాలను పరిశుభ్రంగా ఉంచుకోవాలని, చెత్తను ఎక్కడపడితే అక్కడ వేయకుండా మున్సిపల్ సిబ్బందికి సహకరించాలని కోరారు. ప్రభుత్వం చేపడుతున్న సంక్షేమ పథకాలను ప్రజలు వినియోగించుకోవాలని సూచించారు.