డ్రైనేజ్, రోడ్లు, తాగునీటి సమస్యలపై కౌన్సిల్లో చర్చ
చైర్పర్సన్ నీరజ సమక్షంలో వార్డు సమస్యలపై చర్చ
32వ వార్డు సమస్యలను ప్రస్తావించిన కౌన్సిలర్ మహేశ్వరి
తాండూర్, manasa news ప్రతినిధి:మున్సిపాలిటీలో నిర్వహించిన తొలి మున్సిపల్ కౌన్సిల్ సమావేశంలో 32వ వార్డు పరిధిలోని పలు ప్రజా సమస్యలపై విస్తృతంగా చర్చ జరిగింది. ఈ సమావేశంలో 32వ వార్డు కౌన్సిలర్ మహేశ్వరి ఆధ్వర్యంలో మున్సిపల్ చైర్పర్సన్ నీరజ సమక్షంలో వార్డులో ఉన్న ముఖ్యమైన సమస్యలను అధికారుల దృష్టికి తీసుకువచ్చారు.ఈ సందర్భంగా వార్డులో ఉన్న డ్రైనేజ్ సమస్యలు, రోడ్ల మరమ్మత్తులు, తాగునీటి సరఫరా, వీధి దీపాలు, పరిశుభ్రత వంటి అంశాలను ప్రస్తావించారు. ప్రజలకు ఎదురవుతున్న ఇబ్బందులను వెంటనే పరిష్కరించేందుకు తగిన చర్యలు తీసుకోవాలని కోరారు.మున్సిపల్ చైర్పర్సన్ నీరజ మాట్లాడుతూ ప్రజల సమస్యలను ప్రాధాన్యతగా తీసుకొని దశలవారీగా పరిష్కరిస్తామని తెలిపారు. మున్సిపల్ అధికారులు కూడా సమస్యల పరిష్కారానికి అవసరమైన చర్యలు తీసుకుంటామని హామీ ఇచ్చారు.ఈ సమావేశంలో మున్సిపల్ అధికారులు, కౌన్సిలర్లు మరియు ఇతర ప్రజాప్రతినిధులు పాల్గొన్నారు.
