మనోహర్ రెడ్డి పై అసత్య ఆరోపణలు

కోర్టు ఆదేశించింది కేవలం విచారణ మాత్రమే కేసు కాదు

 విచారణను కేసుగా చూపిస్తూ బిఆర్ఎస్ దుష్ప్రచారం 

తప్పుడు ఆరోపణలతో ప్రజలను మోసం చేయొద్దు : కాంగ్రెస్ హెచ్చరిక

మనోహర్ రెడ్డిపై ఆరోపణలు అసత్యం : డీసీసీ అధికార ప్రతినిధి

ఎమ్మెల్యే అభివృద్ధిని ఓర్వలేకనే కుట్రలు 

కేసు కాదు.. కేవలం విచారణ మాత్రమే : కాంగ్రెస్ స్పష్టం

ఎమ్మెల్యే మనోహర్ రెడ్డిపై తప్పుడు ప్రచారం : కాంగ్రెస్ ఫైర్

తాండూరు manasa news ప్రతినిధి, తాండూర్ :నియోజకవర్గ ఎమ్మెల్యే మనోహర్ రెడ్డి పై జరుగుతున్న అసత్య ప్రచారాన్ని జిల్లా కాంగ్రెస్ కమిటీ తీవ్రంగా ఖండిస్తోంది. మున్సిపల్ ఎన్నికల కౌంటింగ్ సందర్భంగా జరిగిన ఘటనలపై ప్రజలకు నిజాలు తెలియజేయాల్సిన అవసరం ఉందని కాంగ్రెస్ పార్టీ స్పష్టం చేస్తోంది.మున్సిపల్ ఎన్నికల కౌంటింగ్ రోజు కౌంటింగ్ కేంద్రం వద్ద బీఆర్ఎస్ పార్టీ మాజీ ఎమ్మెల్యే రోహిత్ రెడ్డి తన అనుచరులతో కలిసి హంగామా సృష్టించారు. కాంగ్రెస్ పార్టీ శ్రేణులతో అకారణంగా గొడవకు దిగడమే కాకుండా ఎమ్మెల్యే మనోహర్ రెడ్డి పై దాడికి యత్నించారు. పరిస్థితిని అదుపులోకి తీసుకురావడానికి ప్రయత్నించిన పోలీసులపై కూడా బీఆర్ఎస్ శ్రేణులు భౌతిక దాడికి పాల్పడ్డారు. అప్పటి పట్టణ సీఐ సంతోష్ సహా పలువురు పోలీసు సిబ్బంది ఈ దాడికి గురయ్యారు. ఈ ఘటనకు సంబంధించిన వీడియోలు సోషల్ మీడియాలో వైరల్ కావడం ప్రజలందరికీ తెలిసిందే. ఈ నేపథ్యంలోనే మాజీ ఎమ్మెల్యే మరియు ఆయన అనుచరులపై పోలీసులు నాన్-బెయిలబుల్ కేసులు నమోదు చేశారు.తమపై నమోదైన కేసుల నుంచి బయటపడేందుకు కౌంటర్ బ్లాస్ట్ వ్యూహంగా బీఆర్ఎస్ శ్రేణులు తాండూరు న్యాయస్థానంలో ప్రైవేట్ కంప్లైంట్ దాఖలు చేశారు. సాధారణ న్యాయ ప్రక్రియలో భాగంగా కోర్టు పోలీసులకు కేవలం విచారణ జరపాలని మాత్రమే ఆదేశించింది. ఇది ఎమ్మెల్యే మనోహర్ రెడ్డి పై కేసు నమోదు చేసినట్లుగా కాదు. ప్రస్తుతం ఇది కేవలం ప్రాథమిక విచారణ దశలో ఉన్న విషయం మాత్రమే.ఎమ్మెల్యే మనోహర్ రెడ్డి అనతి కాలంలోనే తాండూరు lనియోజకవర్గ అభివృద్ధికి అనేక కార్యక్రమాలు చేపట్టి ప్రజల మన్ననలు పొందుతున్నారు. ఈ అభివృద్ధిని ఓర్వలేకనే బీఆర్ఎస్ నాయకులు కుట్రపూరిత ఆరోపణలకు దిగుతున్నారని కాంగ్రెస్ పార్టీ ఆరోపిస్తోంది. ప్రజా సమస్యలపై పోరాడాల్సిన ప్రతిపక్షం రాజకీయ ప్రయోజనాల కోసం తప్పుడు ప్రచారాలు చేయడం దురదృష్టకరం.బీఆర్ఎస్ నాయకులు చేస్తున్న ఆరోపణలు పూర్తిగా అసత్యాలు. ఎమ్మెల్యే పెద్ద నేరం చేసినట్లు చేస్తున్న ప్రచారం ప్రజలను తప్పుదోవ పట్టించే ప్రయత్నం మాత్రమే. గోబెల్స్ విధానంలో అబద్ధాలను పదే పదే ప్రచారం చేస్తూ రాజకీయ లబ్ధి పొందాలని చూస్తున్నారు.తాండూరు ప్రజలు చైతన్యవంతులు. నిజం ఏమిటో ప్రజలు స్పష్టంగా అర్థం చేసుకుంటారని కాంగ్రెస్ పార్టీ విశ్వసిస్తోంది. ప్రజాస్వామ్యం, రాజ్యాంగం, న్యాయవ్యవస్థపై పూర్తి విశ్వాసంతో కాంగ్రెస్ పార్టీ చట్టపరంగా ఈ వ్యవహారాన్ని ధైర్యంగా ఎదుర్కొంటుంది.సత్యమే విజయిస్తుందాని అన్నారు.

అడ్వకేట్ కే. గోపాల్

జిల్లా కాంగ్రెస్ కమిటీ అధికార ప్రతినిధి

వికారాబాద్ జిల్లా కాంగ్రెస్ కమిటీ